Тыдзень роднай мовы
19.09.2022З 19 па 23 верасня ў школе праходзіць Тыдзень роднай мовы.
Мэта правядзення тыдня: выхаванне цікавасці да вывучэння роднай мовы і нацыянальнай культуры праз самарэалізацыю вучняў у разнастайных творчых і інтэлектуальных мерапрыемствах.
Мерапрыемствы пачаліся з панядзелка. Панядзелак хоць і цяжкі, але насычаны мерапрыемствамі дзень: адкрыццё Тыдня, акцыя “Размаўляй са мной па-беларуску”, прэзентацыі віншавальных паштовак “Пажаданні роднай мове”, марафон “Мова родная - мова модная” (выкананне беларускіх песень), стварэнне інтэрактыўнага воблака слоў “Мае любімае слова па-беларуску”.
Аўторак запомніўся вучням не менш. Арганізаваны для васьмікласнікаў прагляд беларускамоўнай пастаноўкі «Паўлінка», а таксама гастранамічны фэст “Беларуская кухня”.